fbpx

Pronunciationلكن في الـ Accent مشكلتك مش في الـ

ايه الفرق بين الـ Pronunciation والـ Accent؟

عشان احنا مش عارفين نجاوب على السؤال ده بيحصل اختلافات كتير ما بينا :/

[spacer height=”20px”]

فى ناس بتقول ان انت لازم يبقى عندك American accent او British accent قوية يا اما شكلك قدام الناس هيبقى مش كويس،

وفى ناس بتقول ان مش لازم تتكلم بـ Accent كويسة وبطلوا بقى عُقدة الخواجة دى، وبيستدلوا بأن الـ Indian accent هى من أصعب اللكنات اللى ممكن تتفهم بس فى نفس الوقت ناس كتير من الهند وصلوا لمراكز عالية جدا فى شركات عالمية زى Apple و Google وبيتكلموا بلكنة هندية واضحة جدا

[spacer height=”20px”]

فى الأول خلونا نوضح حاجتين:-

[spacer height=”20px”]

اولا :- طريقة نطقك ملهاش علاقة بشكلك او شخصيتك اطلاقا لان فى الاول وفى الاخر دى مش لُغتك الأم ودى حاجة مينفعش تتكسف منها خالص، انما الموضوع كله بيتلخص فى انك لما تتكلم تبقى مفهوم عشان ميبقاش فى مشكلة فى التواصل.

ثانيا :- هو اه فعلا الهنود عندهم لكنة هندية واضحة جدا عشان لغتهم الأم، بس نطقهم للانجليزى واضح ومفهوم واللى بيسمعه مش بيواجه صعوبة فى انه يفهم لأن النطق بتاعهم صح او فى بعض الحالات قريب جدا للنطق الصح انما متأثر باللغة الهندية.

[spacer height=”20px”]

عشان كدا خلونا نفهم الفرق بين الـ Accent والـ Pronunciation ؟

[spacer height=”20px”]

الـ Pronunciation :- هو النطق الصحيح للكلمات طبقا للقاموس

انما الـ Accent :- هى طريقة الكلام والنطق للغة فى دولة مُعينة أو  مكان مُعين

وفى معنى تانى بيقول ان الـ Pronunciation هو نطق الكلمات لوحدها، انما الـ Accent هى طريقة تركيب الكلام مع بعضه وده بيبان فى الـ Stress والـ Intonation

[spacer height=”20px”]

طبعا احنا هنا بنتكلم عن الانجليزى، عشان كدا فى مصدرين أساسيين للغة دى وهما أمريكا وانجلترا، وبالتالى عندنا لكنتين أساسيتين وهما الـ American accent و الـ British accent


*طبعا فى كندا واستراليا وايرلندا وغيرهم بس احنا بنتكلم على الأساسيين

[spacer height=”20px”]

و اى حد من جنسية مختلفة بيتكلم انجليزى طريقة نطقه للكلام بتكون مُتأثرة بلغته الأم وده اللى بنقول عليه الـ accent زى الـ Indian accent والـ French accent وهكذا  

[spacer height="20px"]

طيب ايه المشكلة فى انى اتكلم بـ Egyptian accent؟

[spacer height=”20px”]

مفيش مشكلة الحقيقة بس لازم تفرق ما بين نطقك ولكنتك 😀

[spacer height=”20px”]

بمعنى انك لما تنطق Math زى Mass يبقى هنا فى مشكلة لان اللى قُدامك هيتلغبط، او لما تنطق changed زى change it او لما تنطق park زى bark  يبقى ده برضه غلط تماما وملوش علاقة بالـ American accent أو الـ British accent وملوش كمان علاقة بانك مصرى، انت ببساطة بتتكلم إنجليزى غلط

[spacer height=”20px”]

يبقى لو ال Egyptian accent بتاعتى قوية لدرجة بتخلينى انطق غلط يبقى انا كدا محتاج احسن طريقة نطقى عشان ابقى صح وبالتالى هقرب أكتر للـ American accent او الـ British accent عشان هما المصدر الأساسي للغة

وانا عارف ان فى أمريكا نفسها أكتر من Accent ونفس الكلام فى انجلترا

بس انا بتكلم على الـ Standard American English والـ Standard British English بما ان هما المصدر الأساسي للغة، وانا المفروض لما اجى اتعلم حاجة اتعملها من المصدر بتاعها عشان أقرب من الصح 👌

[spacer height=”20px”] 

وده اللى احنا بنعمله فى الـ Pronunciation workshop بتاعتنا وهو أننا بنركز على النطق بس وبنستخدم الـ Standard American accent كمصدر ومرجع لينا

تقدر تقدم من هنا ، ولو محتاج تفاصيل أكتر شوف الـ Album  ده 

[spacer height=”20px”]

أخيرا: لو انت هندى او فرنسي او المانى ومهم بالنسبة لك انك تتكلم انجليزي كشخص Professional يبقى هتهتم جدا بالنطق بتاعك عشان تبقى مفهوم انما فى الاخر طريقة كلامك هتبين المكان اللى انت جاى منه ودى بتبقى حاجة عادية وطبيعية جدا 

Leave a Comment