fbpx

Improve your English and get paid for it

Improve your English and get paid for it

[spacer height=”20px”]

ليه تدفع فلوس عشان تـPractice الإنجليزى من خلال Conversation Course لما ممكن تعمل ده ببلاش و كمان تاخد فلوس؟! 🤔

اللى يخليك تروح تاخد Course عشان تتكلم شوية بالإنجليزى؛ روح إشتغل في Call Center -English Account و اتكلم مع Native Speakers وخد فلوس مقابل ده

مش بقولك خليه career ليك و لكن  فترة قُصيرة عشان تظبط الإنجليزى بتاعك.

ولو انت معندكش وقت، فى Option إنك تشتغل Part time (إذا كان عدد ساعات أو عدد أيام) يعنى تظبطه على مواعيدك و تشتغله جمب شغلك أو دراستك. جرب تشتغل 3 شهور بس Part time  و شوف لو فى تحسن.

6 فوايد ليك لو إشتغلت في Call center – English Account

  1. هتحسن الـ English Fluency
  2. هتطور الـ Listening بشكل كبير عشان هتكون بتتكلم مع Native Speakers و هتتعود تفهمهم بشكل أحسن وتعرف إزاى بيربطوا الكلام ببعض.
  3. هتكسر حاجز الخوف من الكلام و تزود ثقتك بنفسك
  4. هتحسن الـ Communication Skills بتاعتك بشكل عام عشان هتكون بتـhandle شكاوى عملاء.
  5. لو بتدرس و مشتغلتش قبل كده فهتبقى فرصة كويسة عشان هتعرف إزاى تشتغل في Team ويعنى إيه تحمل مسئولية.
  6. وأخيرا، هتقدر تحقق هدفك الأساسى اللى عشانه بتطور الإنجليزي بتاعك، واللى ممكن يبقى عبارة عن ترقية في شغلك أو وظيفة أحلامك أو سفرية أو هجرة… 

هتسألنى و تقولى ” هشتغل إزاى وأنا أصلا مستوايا مش كويس؟!

هقولك أولا إن الـ Recruiters بيحتاجوا أكتر من Level of English…  من أول Good لحد Fluent 

ثانيا هل جربت تقدم و إترفضت؟ 🤔

طبعا مش بقولك الدنيا وردى و أول ما تقدم و تعمل Interview هتتقبل! و مش بقولك إنه مستحيل ولازم تكون مقفل اللعبة (و إلا فى الحالة ديه يبقى إنت مش محتاج تشتغل فى  Call Center أساسا !)

لأ الموضوع مش كده، الفكرة إن فى ناس مش بيبقى عندها experience الـInterview العادية فيبقى الـInterview بالـEnglish بعبع وتخاف تقدم لحسن تترفض ولو قدمت و إترفضت تبقى مصيبة! 😀 عشان كده محتاجين نغير ثقافة الفشل من إنه مش حاجة وحشة، و إنك لو فشلت تبقى فرصة كويسة عشان هتعرف ليه و تشتغل على المشكلة… و وظايف الـ Call center تحديدا مفيش أكتر منها لإن مصر تعتبر من أكتر الدول المتقدمة في المجال ده لإن فيها عمالة بتكلفة أقل من برا و لغة كويسة مقارنة بدول آسيا و الهند… عشان كده جرب تقدم و لما تترفض روح مكان تانى (بجانب إن في شركات هتسمحلك تقدم تانى بعد كام شهر لما تشتغل على نفسك)

أول حاجة هتبان لما تتكلم في الـ Interview هو نطقك و لو نطقك كويس هيسيب إنطباع كويس عند الـ Interviewer ()

و أكتر حاجتين بيركز عليهم الـ Interviewer بالنسبة للنطق هم الـ B and P sounds والـ TH sounds… 

هتلاقى شرح مفصل ليهم من ضمن الـ Free online course بتاعنا اللى بيتكلم عن أهم 12 درس عشان تعدى من أى Job Interview

https://scientific-accent.com/free-course/ 

بعد ما تقرر تقدم هتلاقى Vacancies كتير على موقع وظف:

https://wuzzuf.net/a/English-Call-Center-Agent-Jobs-in-Egypt

Leave a Comment