fbpx
إزاى تذاكر إنجليزى مع السفارة الأمريكية- IRC

إزاى تذاكر إنجليزى بمساعدة السفارة الأمريكية ؟

إزاى تذاكر إنجليزى مع السفارة الأمريكية- IRC

[spacer height=”20px”]

فى الأغلب إنت سمعت عن الـFree conversation club والـActivities التانية اللى ما بتِتعدش اللى بتعملها مكتبة السفارة الأمريكية او بمُسَمى تانى IRC: Information Resources Center، بس فى الأغلب برده ما بتعرفش تستخدم كل ده بشكل effective فى تحسين الـFluency بتاعتك، عشان كده هنقولك على Plan تمشى عليها مع نفسك بمثابة Course هتدفع فيه فلوس، بس  بعد ما نتكلم عن أهم أربع حاجات ممكن تعملهم فى IRC:

[spacer height=”20px”]

1- Free Conversation Club

كل يوم أربع من الساعة 3:00 لـ 4:00 بيتعمل Open discussion عن Topic معين (تقدر تعرف الـTopic بتاع كل إسبوع من الـProgram Calendar) وبتكون مع Native speakers  و ما تقلقش لو شايف مستواك فى الـEnglish ضعيف هتلاقى اللى يساعدك 😉

2- Free Audiobooks

هتلاقى varieties كويسة من Audiobooks كتير بالسماعات بتاعتها ده غير إنك تقدر تستلفها لمدة إسبوع.

3- Free Original Books

فاكر عادل إمام فى شمس الزناتى لما قال: بتعرف تعد لحد كام ؟ 😀 نفس الفكرة هنا 😀 عندك آلاف الكتب فى كل المجالات تقريبا ده غير كتب تحضير الـTOEFL والـILETS و اللى ممكن تستلف أى حاجة منهم طبعا ببلاش.

4- Free New Movies

عندك LCD Screens تقدر تشغل أى فيلم إنت عايزه من مكتبة أفلام Updated بأجدد الأفلام مع Headphones تقدر تعزلك عن الدوشة اللى حوليك؛ يعنى هتخليك تركز فى الفيلم و تحسن الـListening skills بتاعتك بالعافية 😀 ، وبرده مفيش مشاكل إنك تاخد معاك فيلم البيت وتبقى ترجعه بعد إسبوع، ومتنساش تقرأ الـCheckout Policies عشان تبقى عارف اللى ليك واللى عليك 😉 .

[spacer height=”30px”]

تعالوا بقى نتكلم عن الـPlan اللى قُلنا عليها واللى هى عبارة عن Program لمدة ثلاثة شهور:

[spacer height=”20px”]

1- الـConversation club بيبقى لمدة ساعة فى الأسبوع يعنى لو إنتظمت لمدة 3 شهور يبقى خدت Conversation course مدته 12 ساعة مع native speakers coaches ببلاش! طبعا إنت مش بتحسن الـSpeaking بس بل بيكون معاه الـListening كمان ده غير الكلمات .

[spacer height=”20px”]

2- خُد من يوم أجازتك ساعتين و إتفرج على فيلم جديد بدل ما تروح تقابل صحابك فى قهوة ولا Cafe، فى 3 شهور يعنى 24 ساعة Listening course، تخيل بقى كمان من كل فيلم إتفرجت عليه طلعت بخمس كلمات بس جديدة يعنى حوالى 60 كلمة (صدقنى مش قليل، تبقى عارف 60 كلمة و لما تيجى تحتاجهم تلاقيهم أحسن ما تبقى عارف 300 كلمة وما تبقاش فاكر منهم حاجة)

ما تنساش الـMovie Guide بتاعنا عشان تقدر تطلع بأكبر إستفادة 😉

[spacer height=”20px”]

3- مفيش أكتر من الوقت اللى بيضيع فى المواصلات؛ لو سمعت بس كتاب لمدة ربع ساعة يوميا وإنت نازل من البيت هتبقى خلصت كتب كتير نفسك تقرأها وكمان هتكون خدت Listening course تانى لمدة 22 ساعة.

[spacer height=”20px”]

4- تقولى الـWi-Fi هيفصل اقولك مفيش مشاكل لكن تقولى إقرأ كتاب، أقولك معلش مش هقدر! 😀 بس تخيل لو قرأت كل يوم لمدة 10 دقايق بس قبل ما تنام – ولا حاجة، صح ؟ بس  بعد 3 شهور هتكون قرأت 15 ساعة يعنى شوف حجم التغير اللى هيحصل فى الـReading عندك وحجم الكلمات اللى هتحفظها وكمْ الـKnowledge اللى هتطلع بيها.

[spacer height=”20px”]

5- مفيش أكتر من الـGames والـActivities والـCourses اللى بتبقى فى مواضيع مختلفة و هتلاقى منها بالـEnglish كتيير، عشان كده جرب  تخصص من وقتك جزء فى الاسبوع وتروح تفصل من شغلك أو الخروجات الروتينية و كمان تحسن الـEnglish بتاعك.

[spacer height=”20px”]

Tips

  • كل الكلام ده ببلاش زى ما إتفقنا بس هتحتاج تعمل ID وده بيتطلب صورة البطاقة وتروح من الساعة 10:00 للساعة 1:00، بس يستحسن تروح من قبل الساعة 10 عشان بتبقى زحمة.
  • المكتبة هتبقى زحمة على طول بسبب أجازة الصيف عشان كده ظبط الـPlan ديه مع أول أيام الدراسة أو يا إما تروح بدرى.
  • ما تاخدش معاك أى حاجة معدنية زى المفاتيح أو الـflash memories عشان مش هيدخلوك بيها والموبايل هتسلمه فى الأمانات.
  • الحجز للـConversation club والـWorkshops بيبقى Online ولازم يكون معاك ID، بعد ما بتاخد الـAcceptance إطبعه وخده معاك عشان تقدر تدخل، وممكن تعرف بقيت الشروط من هنا: http://bit.ly/2b1b3Tr
  • المكان فى جاردن سيتى المواعيد بتبقى من الساعة 10:00 للساعة 4:00 من الأحد للخميس  و تقدر توصل عن طريق المترو و أقرب محطة ليها: السادات أو سعد زغلول و هتتمشى حوالى 10 دقايق.
    [spacer height=”20px”]

دوَّر على partner تبدأ معاه الـProgram  عشان 3 شهور كتير لو مش متعود تذاكر لواحدك أو تعمل حاجة جديدة