fbpx

3 حاجات اتعلمتهم بعد ما اترفضت فى أول إنترفيو

3 حاجات اتعلمتهم بعد ما اترفضت فى أول إنترفيو

من خمس سنين خدت قرار انى اسيب كلية هندسة واشتغل فى الـ Marketing، ساعتها مكنتش عارف أى حاجة ولا حتى عارف هبدأ ازاى، وكانت العقبة الأساسية اللى مقابلها هى الفلوس، لأن طبيعى أول ما هبدأ اشتغل مش هاخد فلوس بسبب إنى معنديش أى خبرة، وكان لازم اكون مُستقل مادياً عشان اعمل كدا، كان أقرب حل قدامى هو إنى اشتغل فى English call center عشان فلوسه كويسة نوعاً ما، المُرتب وقتها كان بيوصل لـ 3000 جنيه، فكان القرار ساعتها إنى اشتغل 3 شهور واحوش الفلوس دى عشان لما ابدأ اشتغل فى الـ Marketing اعرف أصرف على نفسى…

كنت مُتحمس جدا و روحت قدمت فى call center، عديت من الـ Phone interview و اتحددلى معاد اروح مقر الشركة عشان اعمل الانترفيو التانى، كنت مُتوتر جدا، و ده خلى كل الكلام اللى انا محضره يطير من دماغى، وارتبكت وانا بتكلم و ظَهر عندى غلطات كتير جدا، كان أهمها هو الـ P والـ B والـ TH، لما خلصت الانترفيو، قالولى انى Rejected بسبب الغلطات دى، ساعتها كان عندى 3 أهداف واضحة محتاج اشتغل عليها عشان اعدى:

1- انى مغلطش فى الاصوات دى وانا بتكلم

2- اقلل نسبة التوتر على اد ما اقدر

3- انى اقدم تانى كمان شهرين عشان اربط نفسى بوقت مُعين و مكسلش

وبالفعل بدأت اذاكر كل يوم لمدة 10 ساعات على الاقل، واكتب الجُمل اللى ممكن استخدمها فى الانترفيو واتمرن عليها كتير عشان مبقاش متوتر وانا بقولها، مش بس كدا بقيت اكتب script للانترفيو، يعنى اتوقع الانترفيو هيمشى ازاى وايه الاسئلة اللى ممكن اتسألها واكتب script كامل واحفظه واتمرن عليه زى الممثلين بالظبط وابدأ اتمرن عليه قدام المراية.. و أنا فى الشارع.. واسجل لنفسى كمان،

ومع الوقت ابتديت اخرج عنه و اتكلم كأنى مش محضر حاجة واحاول اتكلم بشكل طبيعى على اد ما اقدر، كل ده ساعدنى انى ماتوترش زى الاول، وبالفعل قدمت فى English call center تانى واتقبلت الحمدلله، ودى كانت فعليا البداية، لانى لما ابتديت اشتغل و اكلم ناس من امريكا وكندا، كانوا بيبقوا مش فاهمنى كويس وكذا حد افتكرنى هندى 😂 بسبب طريقة نطقى 😀 مش مشكلتنا دلوقتى، هبقى اتكلم على الموضوع ده بعدين، المهم انى اتقبلت واشتغلت وقبضت 😃💲💲

فى ناس كتير بتعانى من اللى انا عانيت منه ده، عشان كدا انا جمعت كل قواعد النطق المهمة عشان نعدى من الانترفيو الانجليزى وحطيتهم فى online course عشان متقعوش فى نفس الغلطات وده هيبقى FREE

كل اللى مطلوب منك هو انك تدخل على اللينك ده وتشوف الـ intro بتاعة الـ course عشان تعرف هتستفيد ايه وبعدها تملى بياناتك عشان يجيلك على الايميل بتاعك 😉

scientific-accent.com/free-course/

اعمل شير لصحابك عشان تذاكروا مع بعض

Leave a Comment