fbpx

!ازاى تخرج من حفرة الانجليزى

12809881_1290637950953635_559183342_o!ازاى تخرج من حفرة الانجليزى

 

 

فى إحصائية بتقول ان 1 من كل 5 على مستوى العالم بيتكلم English أو على الاقل يقدر يفهمه، الـEnglish هو اللغة الرسمية لـ53 دولة على مستوى العالم! يعنى أكتر من 400 مليون شخص على مستوى العالم لغتهم الأم هى الـEnglish

مساء الخير……أو صباح الخير (ده بيعتمد إنت بتقرأ الـarticle إمتى)  😀

 

الـEnglish هو العقدة الازلية لكتير منننا وده يرجع لطريقه نشأتنا و تعليمنا اللى من واحنا صغيرين كانت غلط

 (in general) عشان كده نتمنى ان

الـ3 خطوات دول يساعدوك تبدأ تذاكر اى حاجة  من النهارده:

1- إعرف ال Learning Style بتاعك وال Test ده هيساعدك: http://goo.gl/m2ZOFY

2- أسأل نفسك أنا ليه عايز اذاكر الـSience ده أو أتعلم الـSkill ديه. أقعد فكر لحد ما توصل للـRoot Cause “الـWhy الكبيرة بتاعتك”  حول الـWhy ديه لأهداف واضحة ومن ثم أهداف إسبوعية و يومية  تقدر تحققها (جرب تكتب الـWhy و الـGoals على ورقة و تعلقها على مكتبك أو مكان شغلك بحيث إنها تفكرك و تحمسك باستمرار)

3- امشى على time line واضح.

و إفتكر حاجتين مهمين جدا أولا: عشان أى حاجة تنجح لازم تخليها عادة وجزء من روتينك (و افتكر انت كل اللى محتاجه 21 يوم بس عشان تخلى أى حاجة عادة ليك), ثانيا: استمتع باللى انت بتعمله و خليك ماشى بمبدأ: إضرب عصفورين بحجر ;D.

Let’s Start:

 

فى البداية خلينا نوضح إن أى Language بتكون مبنية على two bases عبارة عن Vocabulary+Grammar -نظريا و علميا الموضوع أكبر من كدا 😀  المهم كل ما كانت الـbase قوية و كبيرة كل ما كان قدرتك على تحقيق هدفك أسرع.

لو عايز تتقن أى لغة لازم تتقن أربع حاجات : Reading, Speaking,Writing and Listening

هنمسك كل skill  و نقولك على الـactivities اللى ممكن تعملها عشان تطور الـskill ديه بس بعد ما نتكلم عن إزاى تزود الـVocabulary بتاعتك و تقوى الـGrammar.

#إزاى أزود الـVocabulary بتاعتى؟

  • كل الActivities  اللى هنتكلم عليها بعد كده هتزودلك الـvocabulary وهتحسن الـGrammar بتاعك و هنوضح ده أكتر لما نتكلم على الـactivities
  • إحفظ كل يوم كلمة بس بكل أشكالها. يعنى مثلا هنفترض إنك بتحفظ كلمة Success, إحفظها بالشكل ده:

11

  • إمشى دايما بnotebook أو ممكن تستخدم الموبايل فى إنك تكتب اى كلمة واجهتك و مش عارفها
  • لما تيجى تترجم حاجة و تستخدم الـdictionary ما تستخدمش English to Arabic  استخدم English to English Dictionary عشان ده هيديك فرصة تتعلم أكتر من كلمة فى المرة الواحده. يعنى ممكن تلاقى كلمة مش عارفها فى ال definition و تتعلمها وده من أفضل الـdictionaries اللى ممكن تستخدمها:
    http://goo.gl/KFSz1O

# ازاى أقوى الـGrammar؟

  • ده website مجمع كل أزمنة الـGrammar بطريقة سهلة و بسيطة: http://goo.gl/jyahn4
  • وده file هتلاقى عليه كل الـPhrasal verbs اللى ممكن تستخدمها http://goo.gl/0S2xyO
  • والموقع ده كمان هيساعدك جدا www.Duolingo.com

تعالوا نتكلم بقى على الActivities

أولا: الـListening  

 1

 

 

1-الأفلام يا جماعة 😀

تقريبا كل الناس اللى اتكلمنا معاهم بخصوص تحسين الـEnglish بتاعهم اجمعوا على مشاهدة الأفلام

-طب و أنا اجيب أفلام منين ؟ حظى دايما إنى مش بكون فاضى وقت ما mbc2 بتعرض الأفلام الحلوة!

– ده كام website تقدر تعمل download من عليه عن طريق الـtorrent

https://kat.cr/

https://yts.ag/

                                      http://www.mkvcage.com/                                    

( و الـtorrent للى ما يعرفوش ده برنامج بيعمل download لو مش عندك تقدر تعمله download من هنا قبل ما تبدأ http://goo.gl/aFU2Lz )

– طب و ال subtitles ؟

 

ديه أهم حاجة كنت عايز أكلمك فيها!….دايما كان بيتقالنا عشان تتعلم أى حاجة إرمى نفسك بره ال comfort zone, عشان كدا احنا بنفضل تتفرج من غير subtitles بس ده اكيد هيكون صعب فى الأول عشان كدا ممكن تعمل download للـEnglish subtitles من هنا: بس تخليها وقت الزنقة برده 😀

http://goo.gl/0RrGbZ

– إزاى يعنى ؟

– هتنزل برنامج ميديا اسمه KMP من هنا: http://goo.gl/QtckZ4

و تقدر تعمل Show و Hidden للـsubtitles وقت ما تحب عن طريق الضغط على ” Alt+ X” ولو فيه كلمة مش عارفها إدى لنفسك فرصة تخمنها و ما تستعجلش و تروح تترجمها

فى حاجة كمان: لو لسه مبتدئ فى الإنجليزى أو مش بتعرف تتفرج على أفلام أجنبى  من غير ترجمة; إبدأ بالأفلام الـ comedy أو الـromance أو animation لأن الافلام ديه فى الاغلب بيكون الكلمات بتاعتها سهلة و تقدر تفهم الفيلم فى المُجمل.

*الموضوع فى الأول هيفقد متعته بس مع الاستمرارية هتلاقى تحسن ملحوظ

2- “تيد ” TED:

ted

عبارة عن Short and powerful talks مدتها 18 دقيقة او أقل وبتغطى تقريبا كل الtopics  اللى ممكن تحتاجها من أول الـentertainments لحد الـScience

تقدر تتفرج على ال talks من هنا: https://goo.gl/j9mr9d  ده غير ان ممكن تنزله فى شكل App على الموبايل و تستفاد بالوقت اللى بيضيع فى المواصلات

Android User: https://goo.gl/TXxA7k

Apple User: https://goo.gl/D2HwUD

3- الـ Audiobooks:

من الحاجات الكويسة عشان تحسن الـlistening. ده واحد من أحسن الwebsites: http://goo.gl/AbybZJ

تقدر برده تنزله فى شكل apps على الموبايل من هنا:

Android User: https://goo.gl/tkdPcc

Apple User: https://goo.gl/PFsUtd

4- هواياتك بس بالإنجليزى:

2

مثلا لو انت/ى بتحبى المطبخ و ديما بتعمل/ى search على أكلات جديدة, ممكن برده تستغل/ى ده و تتفرج/ى على English recipes وده مفيش أكتر منه على ال Youtube و ديه بعض الـchannels:

https://goo.gl/HFbgzE https://goo.gl/6BKF2M

https://www.youtube.com/user/HellthyJunkFood

https://goo.gl/Lpjo5f https://goo.gl/VtucYl

https://goo.gl/p5j7aJ https://goo.gl/NdtUiX

5-المذاكرة:

3

معظمنا بيذاكر أو بيحب يطور من نفسه فبالتالى بيدخل يعمل search على حاجة خاصة بمجاله, خليه English research و خد ثواب فى نفسك 😀
و اللينك ده تقريبا مجمعلك كل حاجة ممكن تكون خاصة بمجالك, خد لفه 😀

https://goo.gl/KG3fIm

واكيد احنا بنستخدم برنامج الـoffice فى وقت ما من حياتنا ده English tutorials عشان ترجعلها وقت ما تحتاجها

ده شامل للـoffice كله https://goo.gl/eDNPZw

وده specific لل excel:https://goo.gl/BJe0DP

ثانيا: الـReading:

4

 

1- وإحنا كمان والله ما كناش بنحب نقرأ! 😀 بس اكتشفنا ال Quote ديه و من بعدها حياتنا اتغيرت!

“A reader lives a thousand lives before he dies,  The man who never reads lives only one.”― George R.R. Martin

و زى ما قولنا ان مبدأنا دايما: إضرب عصفورين بحجر, ممكن نقرأ كتب بالـEnglish لأن ده هيساعدك تحفظ كلمات جديدة و كمان هتعرف Syntax الجمل(ترتيب الكلمات و العبارات بحيث تكون جملة بشكل صحيح) . و  مش بقولك ابدأ بالـheavy science بتاعك و كتب 1500 صفحة ! لأ ممكن تبدأ حاجة related لمجال شغلك او اهتماماتك بس تكون بسيطة و ما تتعداش 200 صفحة بحيث ما تزهقش و زى ما قولنا برده خليها عادة يومية انك تقرأ عدد معين من الصفح وافتكر انك تقرأ صفحة واحدة كل يوم باستمرار أحسن ما تقرأ نص الكتاب فى مرة وتقطع بعدها. و ممكن تبدأ تقرأ مجلات أو online articles فى الحاجات اللى بتحبها زى الكورة أو العربيات أو ال Fashion بحيث إنك تشجع نفسك على القراءة بالإنجليزى.

دى بعض الكتب السهلة اللى ممكن تبدأ بيها  http://goo.gl/dz7AJK

ولو بتحب الروايات هتلاقى حاجات كتير تقراها هنا http://goo.gl/qYLGR8

والموقع ده هتلاقى عليه كتب فى كل المجالاتbookboon.com

بالنسبه للناس اللى already بتقرأ (عااااش 😀 ) ده حل مش جديد ممكن يساعدك: فى حاجه اسمها kindle عبارة عن tablet بس للقراءة فقط و تقدر تشترى من عليه كتب من Amazon و كمان تقدر تنزل عليه ال e-books اللى بتفضلها, المميز فيه انه مش بيرهق العين لو بصيت فيه فترة كبيرة, ده غير بطاريته بتدوم فترة طويلة حوالى أسبوع

تقدر تشتريه Online من هنا : http://goo.gl/JILBz1

ثالثا: الـSpeaking:

public_speaking-115873

 

 

1-عشان تتكلم كويس محتاج تختار واحدة من ال Accents و تتقنها كويس, لو اخترت الـAmerican Accent ديه Channel لـvideos مبسطه تقدر تعرف من خلالها ال rules: https://goo.gl/cWX1ho

أما لو اخترت الـBritish Accent تقدر تتابع الـChannel ديه : https://goo.gl/m04efv

2- كان بيتقالنا لو عايز تتكلم English صح و بسرعة سافر بره عشان هتقدر تـpractice مع native speakers بس فيه websites حلتلنا المشكلة ديه (زى ما أنت عايز تتعلم و تـpractice مع native speakers فى ناس برده عايزه تتعلم لغتك، زى عملية المقايضة) و ده جزء منها:

https://goo.gl/NWmUlu      http://goo.gl/ryZdRT

http://goo. gl/zGDOBK     https://goo.gl/WBlNTL

http://goo.gl/HwJxFa

3- دايما بيكون فى شخص بنروح نشتكيله لو متضايقين أو نفضفضله لو فرحانين 😀 بيكون فى شكل best friend أو أخ أو أخت, ممكن تسمى الشخص ده ال english partner بتاعك و تتفق معاه يبقى كل كلامكم مع معض بال english و تساعدوا بعض لتحسين مستواكم.

5

4- إقرأ بصوت عالى، لأنه هيبقى كأنك بتتكلم، فمش هتحتاج حد يبقى معاك، و ياسلام لو قدام مرايه 😀 و ياسلام أكتر لو بتعمل record لنفسك 😀 (كل ده هيزود ثقتك بنفسك و كمان هتقدر تتعرف على أخطاءك فتحاول تتجنبها بعد كدا)

6

رابعا: الـWriting:

 

1- إعمل Diary بالـEnglish حتى لو عمرك ما عملت كدا، هتساعدك ان انت تبدأ تعبر عن نفسك، ولما هتلاقى كلمة مش عارفها هتترجمها، ولانك استخدمتها فهيبقى صعب تنساها، ده غير ان انت هتتعود تفكر بالانجليزى، فلما هتيجى تتكلم بعد كده مش هتحتاج تترجم من عربى لانجليزى، فالـFluency بتاعتك هتزيد

2- لما تاخد Notes فى شغلك أو دراستك خليها بالـEnglish

3- الـChating, تقريبا كلنا بقى معانا smartphones و بقينا نستخدم الwhatsapp وال facebook messenger أكتر من الـvoice call عشان أسهل وأسرع, chat بالـEnglish مع الEnglish partner بتاعك.

7

4- ما تنساش تركز على الـGrammar زى ما قولنا قبل كدا

———-

FAQ

 

# هو أنا مش ممكن اخد Course وأنجز؟

 

giphy (1)

 

– أه ممكن, بس خلينى اوضحلك حاجة, أى Course أو Training فى أى مجال ما هو إلا Tool بتبنى لك الطرق اللى المفروض تمشى فيها و انت اللى لازم تمشى بنفسك,  يعنى ممكن نقول ال Course لوحده هيوصلك بنسبة 20% وال 80% عبارة عن مجهودك و تعبك أنت.

#  أبدأ إزاى؟

 

– اختار حاجة او اتنين من اللى قولنا عليهم فوق واعملهم بصفة مستمرة كل يوم، لحد ما تبقى روتين بالنسبة لك، يعنى مثلا ممكن تخلى الروتين بتاعك انك كل يوم هتتفرج على TED talk و تطلع كل الكلمات اللى مش عارفها و تكتبها فى ورقة خارجية، وفى نفس الوقت انت حسنت الـListening بتاعك، وبعد ما تخلصها اتفرج عليها تانى، بس المرة دى اكتب الـScript بتاع الفيديو (الكلام اللى كان بيتقال) يبقى كده خدت بالك من الـStructure والـGrammar، وبعد كده حاول تقلد الـTalk دى قدام المراية، يبقى كده انت حسنت الـSpeaking، انت متخيل لو مشيت على الروتين ده لمدة 3 شهور هتبقى عامل ازاى؟ مش بس مستواك فى الانجليزى هيتحسن، ده انت شخصيتك و ثقافتك كمان هتتغير تماما

# طب لو عايز أعرف انا فين على الخريطة؟

– الـTest ده هيقدر يساعدك فى نحديد مستواك https://www.efset.org/

 

# طب أعمل إيه فى الـVocabularies الكتيراللى بحفظها و بنساها ؟

-إفتكر إن الـQuality أحسن من الـQuantity, يعنى تحفظ فى المره كلمه أو اتنين وتستخدمهم فى ال Activities اللى قولنا عليهم هيكون افضل.

———

TIPS

 

 

# ما تقولش “انا كل اللى محتاجه أعرف اتكلم كويس فا مش شرط أعرف أكتب كويس” (مثلا). من وجهة نظرنا ده غلط ! لأن كله مرتبط و معتمد على بعضه. دلوقتى مثلا once إنت بتكتب بالـEnglish ده هيديك فرصة تفكر بالـEnglish وكمان هتفكر فى الـGrammar المناسب فابالتالى كل ده هيساعدك تتكلم Fluently.

# ما تسيبش حاجة غير لما تستفاد منها. يعنى مثلا لو كنت بتلعب game و فيه كلمه بتعدى عليك كتير و أنت مش عارفها، ترجمها مش هتخسر حاجة بل بالعكس هتستمتع أكتر باللعب عشات هتكون فاهم. أو لو بتعملى cake و بتقرأى طريقة التحضير من على العلبة, ممكن تقرأى ال English الأول و لو عطلتى بصى على الوصفة العربى.

# ماتخافش حد يتريق عليك لما تتكلم، وإفتكر محمد صلاح لما كان هيروح الزمالك و مدير النادى قاله: إنت معندكش خبرة كفاية و سنك صغير، وبعدها لعب فى أحسن أندية العالم  !!

# خلينا نكون متفقين إن الموضوع مش سهل و فى نفس الوقت مش مستحيل و أى حاجة عشان تنجح فيها بتعتمد على مدى إستمراريتك و ممارستك، وإفتكر Bruce Lee لما كان بيقول:  

“I fear not the man who has practiced 10,000 kicks once, but I fear the man who had practiced one kick 10,000 times

قولولنا ايه أكتر حاجة عجبتكوا فى الـArticle وناويين تطبقوها، ولو عندكوا Activities تانية بتعملوها قولوهالنا 😀

22 thoughts on “!ازاى تخرج من حفرة الانجليزى”

  1. listening وTED مقال ممتاز جدا وكويس جدا وانا يعتبر ماشي علي الحاجات دي كلها علي الافلام و
    وفي تطبيق بردوا كويس جدا بينزل كل يوم محادثه مجانا وبيحلل الكلمات الل فيها ويقول معناها وابليكشن كويس جدا وتقدر تتحكم في السرعه وتوقف وتشغل تاني وكمان تقدر تحمل الملفات وتسمعها في اي وقت اسمه
    ESLpod
    ودا الموقع https://www.eslpod.com/website/
    ربنا يوفقك مستر عبدالله طارق او المهندس =D =D
    وتنزل ابلكشن علي المتجر هيكون افضل بكتير في عرض الفيديوهات

Leave a Comment