Your Ultimate Guide for IELTS Test (بالمصرى)

share with your friends :)

ultimate-guide-for-IELTS- TEST-Arabic- بالمصرى

فى البداية لو مش عارف إيه هو الـIELTS Test أو عندك أسئلة عامة عنه تقدر تشوف الـArticle ده: All About IELTS

بالنسبه لنا، إحنا مش بنعتبر الـIELTS مجرد test بيقيس مستوى الإنجليزى بتاعك بل بيشوف كمان إنت نفسك طويل و لا لأ 😃 بدليل إن فيه Native people كتير دخلت الإمتحان و ما حققتش الـScore اللى عايزاه، ده مش معناه إن الـTest صعب جدا و مستحيل تعديه! بس فيه Techniques محتاج تعرفها و غلطات شائعة لازم تخلى بالك منها و كمان لازم تكون Familiar بشكل الإمتحان و طريقة الإجابة عليه، , و بما إن فيه Online resources كتير جدا بتتكلم عن الإمتحان و طريقة حله و إزاى تحضرله و هكذا؛ حاولنا نعملك الـArticle ده بمثابة guide شامل للإمتحان، و عشان الدنيا تكون منظمة بالنسبه لك؛ هتلاقى كل Section منفصل و بيغطى أهم الـPoints اللى تخلى بالك منها و الـTechniques اللى محتاج تتبعها فى طريقة الحل و Sample tests عشان تدرب، و شكل ورقة الإجابة و اللى محتاج تعرفه عنها و فى الآخر هنقولك أحسن الـresources اللى ممكن تذاكر منها Online.

Listening

الجزء ده يعتبر الأسهل و تقدر تجمَّع فيه Score بسهولة وكمان الأهم لإنه بداية الإمتحان يعنى لو حليت فيه كويس هيساعدك تتخلص من التوتر و تحل باقى الإمتحان كويس إن شاء الله، و دول أهم 20 Tips فى الجزء ده:

1- Read the instructions Carefully

مكتوب فى بداية كل section الـinstructions لحل كل سؤال و مهم جدا تقراها عشان هتتحاسب على كل حاجة ، يعنى لو قال إكتب الحل فى كلمتين يبقى لازم كلمتين ولو تلاتة يبقى إجابتك غلط.

2- Read the questions carefully

مش مطلوب منك تسمع و تفهم كل حاجة بس مطلوب تجاوب على الـ40 سؤال صح، عشان كده محتاج تقرأ السؤال كويس و تعرف إنت إيه اللى محتاجه فى الإجابة .

3- Confidence count points

لو داخل و حاطط فى دماغك إنك مش هتحقق الـScore اللى إنت عايزه يبقى عمرك ما هتحققه عشان عقلك اللاواعى مترجم ده وللاسف الكلام ده حقيقى مش تنمية بشرية، عشان كده ثق فى نفسك طالما عملت اللى عليك و أُدخل و إنت مطمن.

4- British and American Accent

80% من الـSpeeches بتكون British accent و الباقى بيبقى American و Australian و Canadian، عشان كده لازم تتعود على الـBritish accent و ممكن تسمع BBC وTED أو talk show و series زى:

The Grand Tour (Amazon Prime), Sherlock

5- و فى الحالة ديه ⇑

لازم تتعلم و تحفظ الـBritish vocabularies عشان تقدر تفهم و تـrelate، ودول two albums كُنا عاملينهم عن الجزئية ديه ممكن يساعدوك: Album 1Album 2

6- Spelling Count

زى ما انت عارف الإمتحان مدته 30 دقيقة و 10 دقايق تنقل إجابتك فى ورقة الإجابة، لو إجابتك صح و غلطت فى الـSpelling و إنت بتنقِل؛ للأسف هتنقص! عشان كده خد بالك.

7- “It is all about “S

حدد إذا كانت الإجابة Plural or singular عشان لو إتلغبطت مش محتاج أقولك إنك هتنقص 😃

8- Prediction

معاك 30 ثانية بين كل سؤال و التانى عشان تجاوب فيهم و مطلوب إنك تجاوب فى أسرع وقت بحيث يبقى عندك فرصة تشوف السؤال الجاى إيه و تحاول تخمنه.
– هتلحق ما تقلقش 😃 بعد ما هتتدرب كتير على إمتحانات مع نفسك؛ هتكتسب الـSense.

9- Prediction is easy

الموضوع أبسط مما كنت تتخيل، لما بنقولك خمِّن نقصد خمِّن إذا كانت الإجابة verb ولا noun  ولا adjective بحيث تقدر تركز فى الـRecord على اللى إنت محتاجه لإن الـrecord بيتقال مره واحده بس.

يعنى مثلا لو السؤال بيقول:  …. He got four يبقى إنت محتاج تركز فى الـRecord على noun جمع، و هكذا.

10- It’s 50 not 15

خد بالك و إنت بتسمع و فرَّق بين 13 و 30 ، 14و 40 … و هكذا

11- حسن خطك

لأ مش بنملى الـarticle بأى كلام، بس لما تعرف إنك ممكن تنقص لو اللى بيصحح واجه صعوبة فى فهم اللى إنت كاتبه؛ هتقدَّر 😃

12- إثبت على موقفك

فى بعض الطلبة ممكن تقرر تجاوب بـCapital letters فى الإجابات كلها، و ده مش غلط بس ما ينفعش تغير رأيك فى النص عشان هتنقص (برده 😃) و العكس برده يعنى لو بتستخدم lower case letters فى إجاباتك كلها يبقى ما ينفعش تكتب إجابة سؤال مثلا فى النص بـCapital letters.

– ⇑ ده بجانب طبعا إنك لازم تكتب اول حرف Capital فى حالات معينة زى: بداية الجملة، أسماء الدول و المدن،…، و ممكن تعرف إمتى تستخدم Capital Letters من الـguide ده: Capital Letters Guide

13- ما تسيبش الورقة فاضية

“ما تسيبش الورقة فاضية” زى ما كان بيتقالنا أيام المدرسة 😃 لو شاكك ما بين إجابتين إكتب اكتر واحدة شايف إنها صح و ما تأجلش الإجابة لبعدين عشان مش هيبقى عندك وقت ترجع تانى، ده غير ممكن ما تفتكرش الـContext بالظبط، و إفتكر إن وقتك محدود يعنى ما تضيعش وقت جمب سؤال إنت مش عارفه.

14- Listen and Write

خد بالك إنت بتسمع و بتكتب فى نفس الوقت (لأ الموضوع مش بسيط زى ما انت متخيل؛ عشان بيكون وقتك محدود جدا ساعتها) ، عشان كده لازم تـpractice إنك تعرف تعمل ده و فى الآخر هتلاقى links لإمتحانات تدرب عليها.

15- سابق الـrecord قبل ما يسبقك

هتلاقى نفسك بتسابق الوقت عشان الإجابة اللى بتتقال بسرعة، عشان كده ممكن تكتب إختصارات و تبقى تنقلها صح و كاملة فى ورقة الإجابة، زى مثلا:

earth Q→ Earthquake – ch.2→ Chapter two

16- Care, as you’ll be cheated

فى ظاهرة منتشرة شوية فى الـIELTS إنه ييرجع فى كلامه 😃 يعنى مثلا ممكن يجيلك situation عن إتتنين بيتفقوا على ميعاد و يسألك:

?When will they meet

و يكون الـRecord كالآتى:

let’s meet tomorrow at nine in the morning, no I am sorry I have a meeting on this time..okay, let’s make  it in the midday

17- paraphrasing

فى الأغلب مش اللى هتسمعه هو اللى هتلاقيه فى السؤال بس هتلاقى الـSynonym بتاعه.

18- Numbers and Names

فى أول جزئين من الـListening وارد يجيلك شخص بيـspell رقم تليفون أو إسم شخص او أيا كان و مطلوب منك تكتب اللى بيقوله…. خد بالك من الـdouble letters و الـ G,J و الـ B,P وألـA,E وألـ I,Y

19- Leave it now or never

لو فى سؤال وقع منك إجابته أو مش عارف تجاوب عليه سيبه؛ عشان لو توهت هيبقى صعب ترجع تحدد إنت فى أى جزء من الـRecord و ساعتها مش هيبقى فاتك سؤال واحد بس

20- Practicing pay off

بالنسبه لنا فى Scientific Accent بنعتبر الMagic formula لأى حاجة هى الـpracticing… بالذات طبعا لو عايز تحسن الـaccent بتاعتك. ديه Samples تدرب عليها: Listening Practicing 1, Listening Practice 2

الـPracticing للـIELTS مختلف شوية، من أحسن الطرق عشان تقضى على التوتر و خوفك وقت الإمتحان هو إنك تتعود على شكل الإمتحان و طريقة الإجابة، عشان كدا إعمل download للـanswer sheet لجزء الـlistening من هنا و إتدرب فيه: Answer Sheet و Simulate كإنك فى الإمتحان بالظبط يعنى تعلّى صوت الـRecord و ما تسمعهوش غير مرة واحدة و اظبط Timer على 60 دقيقة بالظبط، و ديه Screenshot من الـHandbook بتاع IELTS من IDP بتوضحلك إزاى تجاوب فى الـAnswer sheet:

IELTS Listening answer sheet

بعد ما تجاوب ممكن تقيم نفسك بسهولة من هنا: Exam Calculator


Reading

أهم 10 Hints للجزء ده:

 1- Test to decide

فى اكتر من طريقة عشان تحل جزء الـReading و مش مطلوب منك تحل بطريقة معينة بس مطلوب إنك تجرب عشان تعرف أحسن طريقة مناسبة ليك و من أشهر الطرق: scanning and skimming ببساطة الطريقة ديه هى إنك تقرأ السؤال الأول و تْطلع Keywords من السؤال و تروح تشوفها فى القطعة…معظم الطلبة بتحب الطريقة ديه عشان بيقولوا مفيش وقت نقرأ القطعة كلها.

2- الـSynonyms

بناءا على طريقة الـscanning and skimming حاول ما تنخدعش لو لقيت نفس الـKeywords اللى بتدور عليها فى القطعة عشان مممكن ما تبقاش الإجابة الصح ليك و ركز فى الـSynonyms ليها.

3- وزع التورتة بالعدل

فى جزء الـReading بيكون فى 3 قطع و كل قطعة بتذداد صعوبة تدريجيا و معاك ساعة تجاوب فيها، عشان كده قسم وقتك صح و ماتضيعش وقت كبير فى أول و أسهل جزء.

*فى ناس بتحب تبدأ بآخر جزء الأول، و إنت بتحل إمتحانات (وقت الـPracticing) جرب الطريقتين و شوف الأنسب لك ✌️

4- The toy of the kid ≠ The toy’s kid

من أكبر الغلطات هو عدم إتباع الـInstructions، يعنى لو قالك مثلا جاوب فى 3 كلمات يبقى لازم تعمل كده و إلا الإجابة هتتحسبلك غلط (قولنا النقطة ديه قبل كده فعلا؛ و ده بيوضح حجم أهمية النقطة ديه… لازم لازم تقرأ الـinstructions)

5- Answers come in order

إجابات أسئلة الـComplete بتيجى بتسلسل الكلام فى القطعة عشان كده بص على سؤالين ورا بعض فى نفس الوقت عشان تقدر توفر وقت.

6- It’s all about the context

هيقابلك أكيد كلمات مش عارف معناها و مش لازم تبقى فاهم كل حاجة بتقراها، و حاول تفهم من context الكلام.

7- Make a habit

إتدرب يوميا ساعتين على الأقل عالقراءة بسرعة (بس تقرأ بسرعة و تكون فاهم فى المُجمل على الأقل ;D)  و خليها عادة ليك، و ممكن تقرأ Articles من wikipedia أو تقرأ جرايد بالإنجليزى او أى حاجة تيجى قدامك بالـEnglish

8- وفر وقتك

كل قطعة بتبقى عبارة عن Paragraphs، لو قدرت تحدد الـMain idea بتاع كل واحد هتوفر عليك وقت كتير جدا؛ عشان هتبقى عارف مكان إجابة كل سؤال فين.

9- Keep an eye on the special one

ممكن تلاقى فى القطعة كلام: Underlined وبالـCAPITAL LETTERS وبين “quotation” و Bold، خد بالك منهم و حاول تفهمه كويس لإنه فى الأغلب هيكون جزء من الإجابة أو هيأثر فيها.

10- Practicing, Practicing and Practicing

آدي الـSamples:

General Training: Reading practice test 1 – Reading practice test 2

Academic: Reading practice test 1 – Reading practice test 2

و آدى Link الـAnswer Sheet:

Reading Answer Sheet 

و ما تنساش تقيم نفسك: Exam Calculator

و آدى إزاى تجاوب: 😃

IELTS Reading Answer Sheet


Writing

فى 3 خطوات مهمين عشان تحل الجزء ده:

1ـ Just Decide

الجزء ده عبارة عن Two Tasks، لو حابب ممكن تبدأ بالـTask التانى الأول عشان عليه درجات أكتر و كمان أسهل، ده مش معناه إنك ما تعملش الأول! ما إنت كده مش هيبقى عملت حاجة 😀 إحنا بنقولك كدا عشان ما تضيعش وقت كتير فى الأولانى، الـtask الأول بيكون ليه Structure معينة once إنت عرفتها و إتعودت عليها هتلاقى نفسك عبارة عن Data entry، و لو هتمشى بالترتيب يبقى محتاج تبص على الساعة بإنتظام. إتدرب عشان تعرف إيه الأحسن بالنسبالك.

2- Have a plan

قبل ما تبدأ قرر بالظبط هتكتب فى إيه وإكتب الـMain points اللى هتكتب عنها و نطم كلامك و خلى فيه flow بين الجمل؛ يعنى ما يبقاش كل جملة منفصلة و بتتكلم عن حاجة شكل و ما تخرجش بره الموضوع.

3- Quick Revision

خد 5 دقايق فى الآخر تراجع على الـSpelling والـGrammar بتاعك و عدد الكلمات الى كتبتها.

* طبعا محتاج يبقى عندك حصيلة كلمات تبقى كويسة قبل ما تبدأ Practicing و كمان تتعلم الـTechniques والـFormatting  لكتابة الـ Essay و إزاى تجاوب الـTask الأول إذا كان General أو Academic  و أحسن الـOnline Resources اللى ممكن تذاكر منها الجزء ده أو للإمتحان كله عامة هما: 

–  IELTS Liz (عشان لو مش بتحب  تقرأ كتير Visual Learning)

ielts-simon

ما تشتينش نفسك بين resources كتير، و بالمناسبة دول كانوا Official Examiners للـIELTS يعنى أعتقد مش هتحتاج غيرهم.

* آه معلش و الـWebsite ده مهم جدا برده فى الجزء ده: https://owl.english.purdue.edu/owl/ 

ديه Samples للـGeneral:

Writing practice test 1Writing practice test 2

و ديه للـAcademic:

Writing practice test 1 – Writing practice test 2

 و ما تنساش تجاوب فى الـAnswer Sheet 

إزاى تصحح لنفسك؟

ممكن تطلب من Experts على Quora أو ممكن تشوف English Teacher جمبك بتثق فيه، او ممكن تسنخدم Online software


Speaking

كل اللى هنقولهولك إنك محتاج تثق فى نفسك و تكون تلقائى بس أهم حاجة تكون Clear و لو مش Aware كفاية بالـAmerican أو الـBritish Accent يبقى ما تستخدمش أى Accent و إكتفى بإنك تتكلم بـClear accent. وإتكلم كتير يعنى ما تعطلش حتى لو مش عارف حاجة عن الـTopic؛ إكدب و حوَّر و ما تنساش  تنوع فى الكلمات اللى بتستخدمها و لو مش سامع السؤال كويس أطلب more clarification قبل ما تجاوب.

فى طرق كتيير عشان تـPractice:

– أهمهم إنك تعمل record لنفسك، و ما تِقلقش هتعرف تقيم نفسك لما تسمع الـRecord 😃

– و ممكن Skype، و ده Community على الـFacebook هيساعدك: IELTS Speaking Practice:

– أو ممكن تستخدم الـWebsites بتاعت الـLanguages exchange زى: Italki – How do you do…

– و ممكن تتكلم مع صحابك أو مدرس كويس تعرفه حواليك…و هكذا


 Final Thoughts 

– إزاى أبدأ ؟

1- لو إنت لسه ما تعرفش أى حاجة عن الـIELTS يبقى تمسك كل section و تعملُّه plan هتذاكره إزاى و منين (و إتفقنا إن أحسن مكانين تذاكر منهم online هما:  IELTS Liz و ielts-simon) و الـPlan شاملة الـpracticing والـDeadline (بعد أول يوم مذاكرة هتكون وِضحت الدنيا و معاك و هتقدر تعرف محتاج وقت preparations أد إيه).

2- بعد كده تبدأ تحل إمتحانات كتب Cambridge، لازم لازم لازم تحل جزء كبير من الإمتحانات ديه، حاول تحل إمتحانين يوميا و تقعد كإنك فى الإمتحان بالظبط!! تقفل تليفونك و تظبط الساعة و ما تروحش الحمام و لا تقوم من على الكرسى حتى (هيبقى الموضوع متعب أكيد بس لازم تتعود تقعد 3 ساعات متواصل و محافظ على تركيزك، و فى الأغلب فى أول كام إمتحان لما تصحح لنفسك مش هتلاقى الـScore اللى إنت عايزه و ده عادى جدا)  

* Cambridge بتشارك فى عمل الإمتحان و بتنزِّل كتب preparations بيبقى فيها إمتحانات تدرب عليها، موجود لحد دلوقتى 11 كتاب و كل كتاب بيكون فيه 10 إمتحانات.

* لو إنت ذاكرت شوية قبل كده أو قرأت أو خدت Preparations course؛ يبقى إبدأ برقم إتنين على طول و تحل كتيييير 

* تقدر تلاقى الكتب Online لو دورت كويس (و ده أسهل حل)، وممكن تستعيرها من المكتبات العامة أو تلاقيها مستعملة من Book It Forward او Al-Maadi Used books و ممكن تلاقيها على OLX كمان 😀 المهم دوَّر هتلاقى 😃

– طيب لو انا شايف إنى مش هعرف أبدأ بالشكل ده عشان مش متعود أوى على الـSelf-study، أعمل إيه؟ 😃

– ممكن تبدأ بواحدة من الـFree online courses اللى تحت ديه 👇 وممكن تشوف واحد صاحبك يذاكر معاك و يمتحن (حتى لو مش عايز 😂)

http://bit.ly/IELTS-preparations-edx 

http://bit.ly/IELTS-Preparations-British-Council

 

– On test day

شوف الـLink ده مجمع tips تخلى بالك منها يوم الإمتحان: http://bit.ly/On-IELTS-Test-Day

share with your friends :)

Leave a Reply

Your email address will not be published. Required fields are marked *