IELTSكل حاجة محتاج تعرفها عن الـ

share with your friends :)

IELTS TEST - Arabic description

مش هنضيع وقتك و نقولك الـIELTS ده إمتحان بتحتاج تعمله لو مقدم على هجرة أو Internship أو شغل أو دراسة لدولة بتتكلم English، بس خلينا نلخص كل حاجة تقريبا محتاج تعرفها عن الـIELTS فى عشر نقط و بالمناسبة IELTS يعنى International English Language Testing System.

1- الـIELTS بيقيس أربع حاجات

فى أى لغة؛ فى اربعة skills أساسيين هما: writing, speaking, reading, listening و ده اللى بتمتحن فيه، و بيكون توزيع الدرجات عليهم بالتساوى و هنتكلم عن كل جزء قدام.

2- فيه نوعين من إمتحان الـIELTS:

– IELTS Academic ده لو مقدم على دراسة أو Scholarship

– IELTS General Training و ده لو مقدم على هجرة أو شغل و ساعات كمان بيتطلب فى الدراسة، و عامة بيكون موضَّح تعمل أى نوع فى المتطلبات للهجرة أو الـInternship…، الفرق بين الإتنين فى جزء الـReading والـWriting و هنوضح ده أكتر قدام بالتفصيل.

3- Listening

الـlistening هو أول جزء من الـtest و بيبقى مدته نص ساعة، بتستلم ورقة إجابة و أسئلة، و على عكس نظام الإمتحانات عندنا؛ بيطلب منك تجاوب فى ورقة الأسئلة و بعد كده بيديك 10 دقايق تنقل إجابتك فى ورقة الإجابة ( ده بجانب النص ساعة)

إمتحان الـListening عبارة عن أربع أجزاء (إتنين منهم فى سياق social و إتنين فى سياق educational)  و كل جزء عليه 10 درجات، يعنى 40 سؤال فى نص ساعة، لأ و كمان الـrecord بيتقال مرَّه واحده بس و لو غِلِطت فى الـspelling أو الـgrammar وإنت بتِنقل هتِنقص فى الدرجات…(آه والله 😀 😀 )

what is IELTS?

4- Reading

فى الـAcademic والـGeneral training هتلاقى 3 قِطَع (three passages) كل قطعة عليها من  12- 15 سؤال بمجموع 40 سؤال/60 دقيقة، يعنى معاك دقيقة و نص لكل سؤال (قول الحمد لله :D)

الإختلاف بقى بين الـAcademic والـ General training tests بيكون من حيث الـcontext، يعنى الـGeneral بيبقى Social context زى مثلا الرياضة أو الفن…، و الـAcademic بيبقى educational context زى مثلا حدث تاريخى أو قصة حياة عالم… و هكذا، وبالتالى الـAcademic بيبقى أصعب شوية.

5- Writing

معاك 60 دقيقة تكتب موضوعين؛

فى الـAcademic بتكتب Report لـ graph أو chart، و فى الـGeneral بتكتب Responding letter، وفى كلتا الحالتين محتاج تكتب 150 كلمة على الأقل فى خلال 20 دقيقة، و ده أول Task

و الـtask التانى مطلوب تكتب 250 كلمة فى 40 دقيقة، بالنسبة للـAcademic IELTS بتكتب رأيك فى مشكلة معينة و فى الـGeneral بتكتب مقال بيكون عن general topic زى مثلا التلوث.

6- speaking

الجزء ده مدته من 11 – 14 دقيقة و متقسم ببساطة كده ل 3 أجزاء

أول جزء تقدر تقول عليه Interview بما إنه بيسألك general questions زى شغلك و هواياتك و دراستك وهكذا، بعد كده فى الجزء التانى مطلوب منك تتكلم فى topic مُعيَّن  فى دقيقتين maximum و بتاخد دقيقة تحضر فيها كلامك، و آخر جزء بيبقى discussion على اللى قُلته فى الجزء التانى.

7- score and result

النتيجة بتظهر بعد 13 يوم ومفيش حاجة إسمها نجاح و سقوط، النتيجة بتبقى من (1-9)…..1 يعنى non user و 9 يعنى expert، و على حسب الجهة اللى مقدم فيها هيقولك الـScore بتاعك المفروض يكون كام.

8- فين و إمتى و بكام ؟

الـtest بيتعمل فى الـBritish Council أو IDP، في أوقات محددة بيتعمل فيها الـtest و تقدر تحجز الميعاد اللى يناسبك و تدفع online أو تعمل download للـApplication و تطبعه و تروح أقرب فرع ليك، سعر الـtest بيكون 1350 جنيه.

9- Special request

فى حالة لو عندك مشكلةٍ ما فى السمع او النظر…ممكن تطلب Lip-reading version of Listening test أو نسخة مطبوعة بخط أكبر. و هكذا، بس لازم تقولهم قبل الـtest ب 6 أسابيع على الأقل.

10- Study for IELTS

فى اماكن كتير بتعمل Preparation Courses  ومنها الـBritish Council و بيكونوا غاليين شوية، بس ممكن تذاكر (Self study) و تعمل كل الـPreparations مع نفسك بإستخدام Online resources و كتب مخصصة و تخلى بالك من الغلطات اللى قابلك وقعوا فيها عشان تقدر تجيب أعلى score فى كل skill، و عشان ما ننساش أى تفاصيل مهمة؛ هنتكلم عن كل ده فى Article منفصل 😉

share with your friends :)

Leave a Reply

Your email address will not be published. Required fields are marked *